زوجك بيرجع تعبان
زوجك بيرجع زهقان
زوجك بيرجع مطحون
زوجك بيرجع شايل هم بكره مش بيعرف ينام
زوجك لو رجع ونام بينام ودماغه صاحيه وشايله هم بكره
زوجك ممكن فى يوم مايرجعش
زوجك ممكن فى يوم ينام ميصحاش
زوجك سندك بعد ربنا
زوجك ممكن تشوفيه بعين تانيه
العين اللي هو عايش بيها ،،
العين اللي كلها تعب وشقا وعرق ومجهود ومناهده وكفاح ومرمطه وايدين شقيانه ،،
علشان اديكي تكون ناعمه علشان أولادك يكونو مبسوطين
زوجك ممكن يدخل عليكم فى ايده طلباتكم
مش مستني غير تاخدي من ايده اللي شايله بابتسامه
هو كده بالنسباله تعب اليوم كله راح من الابتسامه .
زوجك ممكن يدخل البيت ملهوش أي طلبات غير الجزء الصغير من البيت اللي هو واقف سانده بضهره وبتعبه وبشقاه وبصحته وبعمره مش عايز غير حته ينام فيها علشان ينزل يكمل تاني يوم .
زوجك سترك زوجك غيابه عنك هو غياب روحك.
تخيلي ثانيه انه رجع ايده فاضيه فطلبتي وقال مفيش ساعتها هو أخد مليون سكينه فقلبه وفى كرامته
تخيلي أولادك قالو محتاجين شئ هو مش قادر عليه
تخيلي احساس الكسره فى قلبه ايه.
زوجك مربوط فى الدنيا لتلبيه طلباتكم ،،
ممكن يرجع جايب لكم اللي بتشتهوه وهو ما أكلش شئ وهينزل تاني يوم ومش هيدوق شي من اللي جابه من تعبه وشقاه المهم ان طلباتكم حضرت وانكم مبسوطين.
أبوس ايدين معاليكي
اضحكي فى وشه وخففى عنه ،،
متكونيش هم علي همومه
علشان يقدر يعافر علي همومه ويكمل بسلام وأمان
هي دي الست السند
تخيلي_انه_مجاش
تخيلي_انه_مصحاش
تخيليها دقيقه وشوفي سقف الستر اللي هيتشال يساوي كام
هاينام زعلان فى مره مش هيصحي
هاينزل شايل الهم فى مره مش هيرجع
هايتعصب في مره يجراله حاجه
صدقيني محدش هيخاف عليكي وعلي بيتك وأولادك ولا يهتم ولا يجيب طلباتكم غيره ..
اياكي تكوني هم علي همه
الايام دلوقت صعبه كوني سند ومتكونيش شوكه في ظهره اللي بيتكسر كل يوم عليكم
(إتقوا الله في أزواجكم)
أمس في 16:02
