طريقة عمل الكشري المصري

الكشري المصري
المقادير
علي حسب عدد أفراد الاسرة
عدس أبو جبه يعني اللي فيه قشرة غامقه
رز مصري
مكرونه حجم صغير
بصل مقطع شرايح رفيعه ومقلي
صوص طماطم مكونه من
بصل مفروم ناعم + ثوم مفروم + طماطم مفرومه ف الخلاط
ملح + فلفل أسود + كمون + شطه حاره
صوص الثوم والخل
مكون من :
خل + ماء + ثوم مفروم + شطه+ ملح + كمون

طريقتي بالتفصيل يمكن تكون مختلف شويه ولكن الطعم مركز وأحلي من المطاعم بكتيييييييير
اولاً
بحمر البصل الاول في زيت غزير عشان يكون مقر مش
وافرده علي ورق مطبخ ليمتص الزيت الزائد
ثم أرش عليه قليل من الملح والكمون بيعطي طعم رائع للبصل
ودي صورة البصل المقرمش
وخلي بالك أوعي تغمقي لونه عشان مش يكون طعمه مر

طريقة عمل الكشري المصري 136903632771

بعد كده طبعا أنا بقول الخطوات بالترتيب عشان نستفيد بالزيت اللي حمرت فيه البصل
وكمان لان الزيت بيكون أخد طعم البصل
باخد الزيت واطبخ بيه العدس والرز والمكرونه
وبكدة استفدت منه بدل ما ارميه
وف نفس الوقت بيعطي طعم حلو
المهم نضع قليل من الزيت في حله ع النار
ثم الماء وشوية بصل من اللي قليناه
ولما يغلي الماء نضع العدس المغسول والمصفي
واحط كمون أهم شئ
وكتري كمية الماء لان هاناخد منه للرز
ولما يقرب ع الاستواء نضع الملح

طريقة عمل الكشري المصري 13690364101

أه ونسيت بحط مع العدس نصف مكعب ماجي
وبعد ما يستوي بصفيه من الماء واسيب العدس شويه ع نار هادئه
لغاية مايتبخر من المايه وينشف تماماً
ثم في إناء اخر نضع شويه من زيت اللي قليت بيه البصل
وأضيف ماء العدس واظبط الملح ولما يغلي أضيف الرز
واخليه يستوي عادي ذي طريقة الرز العاديه
ودا شكل الرز بياخد لون حلو وكمان طعم

طريقة عمل الكشري المصري 1369036525641

بعد كده
المكرونه
ودي طريقتي فيها مختلفه شويه
بدل ما أسلقها ويكون مش لها طعم
بطبخها مثل الرز تمام
في إناء نضع شويه زيت
ثم الماء ومكعب ماجي وشوية فلفل اسود وملح
واخليهم يغلوا ثم أضيف المكرونه
مع مراعاة ان تكون كمية الماء يادوب تغطي وجه المكرونه
وأهدي النار جداً
واخليها تستوي مثل الرز
ودي بتكون طعمها احلي بكتيير من المسلوقه

طريقة عمل الكشري المصري 1369036605291

اخدتوا بالكوا من كمية المايه
وكمان بعد ما استوت مفلفله ولذيذة
بعد كده نجهز الصوص
نضع بصله صغيرة مفرومه ناعم مع فصين ثوم مفرومين ونشوحهم شويه ع النار

ثم نضيف الطماطم المعصورة
ومعلقه كبيرة خل
وملح وفلفل اسود وشطه للي بيحب الحراق
بس أكيد الكشري لازم يكون حار جداً
ونسيب الصوص يتسبك تماماً ع النار
ودا شكله

طريقة عمل الكشري المصري 1369036684941

بعد كده نجهز صوص
الثوم بالخل
وكمان طريقتي فيه مختلفه شويه
في إناء صغير نضع
3 فصوص ثوم مهروسه
وربع كوب خل
وماء
وملح وفلفل اسود وكمون وشطه مجروشه
واخليهم يغلوا غلوة واحدة ع النار
عشان كل حاجه تأخذ من بعضها ف الطعم
او تجهزيه ع البارد وتسبيه منقوع مع بعضه وتسبيه ف التلاجه بضع ساعات

نضع طبقة من الرز
ثم العدس
ثم المكرونه
وهكذا حتي تنتهي الكميه
ونرش البصل ع الوجه
وعند التقديم نضع الصوص
بحد بجد لذيذ وطعمه خيال

طريقة عمل الكشري المصري 136903679471

وممكن تغيري ف الترتيب
تخلي المكرونه طبقه اولي ثم الرز ثم العدس
ذي ماتحبي
المهم هو في الاخر كشري ههه

طريقة عمل الكشري المصري 136903686271

والف هناء وشفاء طريقة عمل الكشري المصري Redface

_________________________________

http://www.ahladalil.net/t32650-topic

بارك الله فيك على الموضوع القيم والمميز

وفي انتظار جديدك الأروع والمميز

لك مني أجمل التحيات

وكل التوفيق لك يا رب

اسعدني مروركم الراااائع
طريقة عمل الكشري المصري I_icon_minipost

_________________________________

http://www.ahladalil.net/t32650-topic

» الكشري المصري
» طريقة عمل المعروك
» طريقة عمل حلى جلد النمر
» طريقة عمل لحم كباب
» طريقة عمل بيتزا سميكة (على طريقة شيكاغو) 2012