يسعد ايامكم حبايب قلبي
اليوم موضوعي يتحدث عن بعض انواع البشر
من محض تجربتي البسيطة في الحياة
اتمنى ان يعجبكم
على بركة الله نبدأ
حكايتي اليوم ما هي مجرد حكاية
هي موضوع جاد لي فيه غاية
ودي اصف فيها بعض اصناف البشر
منهم الميال للخير و منهم للغدر
هم ممكن قربين منك
وممكن حولك يحومون مثل الغجر
فمنهم مثل الماس غالي
قيمته فيه وينحط على الراس
ومنهم مثل الذهب مزاجي
حبه فوق وحبه تحت
ومنهم مثل الفضة عند المصلحة
اول شأنه شده واخر امره ما توده
ومنهم مثل النحاس متردد
ما يفيدك و دايم محتاس
ومنهم مثل الحديد معين
يسندك فترة طويلة وبعدها يصدى وينحاش
ومنهم مثل الخشب غير خدوم
وزنه خفيف وما ينفع معه عتب
ومنهم مثل الورق امين
تأمنه على كل امر عجب
ومنهم مثل الماء منافق
قدامك عذب ومن وراك عرق
_________________________________
http://www.ahladalil.net/t32650-topic
الخميس 09 مايو 2024, 17:04
