وصيّة الميّت

الشاعر حسين قسام النجفي
وصيّة الميّت 13775994_1098924196840969_4942552170212416227_n

الشيخ حسين قسام بن الشيخ عبود الخفاجي ولد في النجف 1898 وتوفي عام 1960
قصيدة وصيّة الميّت من الأدب الشعبي العراقي الساخر:
بطلوا من البواچـي لا تخرعونه
ميتكم فطس ومبحلج أعيونه
وصّه أجبيّر وشمخي على التنور
وگاللهم بعد عندي عجل مكسور
وگاللهم بعد عندي هويشه وثور
للخطار ثوري لا تذبحونه
وعندي بعد خنجر ماكو بيه أگراب
وعندي طاكَ رحه ومعجنه وجراب
وعندي أجاجه عوره وعندي تسع أچـلاب
وعندي چـلب أعرج لا تبيعونه
وعندي بيت بردي ماعليه أحصير
لو گـام الهوه كل الحنايه أتطير
وعندي تانكي بي چـنت احط اشعير
أمزرّف والتنـكــچـيّه يلحمونه
وعندي جرد قوري بغير بلبوله
مو سكسون محد شايف اشـچـوله
يخر من صفحته لوهيّس أبلوله
خلوه بثوابي لا تكسرونه
وعندي جرد دوشك خذته ربيّه
شغل بيروت جبته من الصليـچـيه
وعندي حزام بردي وجرد صينيه
وعندي صخل أعشم لا تجوعونه
وعندي ميجنه وجاون وجرد الحاف
شريته العام من أجبير النداف
أبدال الگطن حطوله ورك َصفصاف
للخطـــــــــــار يا ولادي تخلونه
وعندي شماغ شعري مشتريه بفلوس
بصندوگي مطّركَ بعده ما ملبوس
وعندي كحل صافي جايبه من ( الروس )
بثوابي للأرمد كحلوا أعيونه

عضو مميز التسجيل : 20/07/2016 عدد المساهمات : 203

جزاك الله خير ونفع بك .‘
وجعله في موآزين حسنآتك ..
ورفع به درجآتك على هذآ الطرح القيم ..‘
لا حرمنآالله توآجدك .."

جزاكِم الله كل خير عالأنتقاء الرائع
دمتم بهذا التألق الدائم

_________________________________
وصيّة الميّت Oqf3ba11

الله يعطيك الف عافيه
طرح جميل
ودي

كنت هنا /ابو المجد

_________________________________

http://www.ahladalil.net/t32650-topic