قلبي حزين يوّن ونات القهر في غبة معاليقه

خلي اللي بالقلب بالقلب لا تسأل سبب صده
وشوف كم جرحا بالصدر خطيّت وكم ضيقه


مشيت معك الدرب انتظر بالورد والحب تمده
وتاهت خطوتي وذبلت بدربك اوراق الحقيقه


أبطيت بالحنان وراح وقتي مابين هزل وجده
وسلّيت بخنجر الغدر جرحا بالقلب ما طيقه


يا سيدي كفاك جروح\ن وكفاي الحيل تهده
وشلك في تجريح قلب اعطاك نبضه وشهيقه


وكنت في عيني كما ملاك وكنت للروح شهده
عزيز دوم ماهان شانك كيف وانا لك رفيقه


يا سيدي وش هو ذنبي وانا بالحب وفيت عهده
رغم قصور الحظ وياك وظروف وقت عتيقه


اسقيتني من كاس مّرك ولاقلت وش حده
تصبرّت واتاري الصبر من شوفي ضيع طريقه


وياما تجرعت فرقاك وان طالت بيننا المده
وياما ابحرت معاك واطيح من جرحك غريقه


نوبه تجيني والاشواق تنطق بحروف الموده
ونوبة تجافيني ليال ولا كأني كنت لك عشيقه


وتلاعبني هواجيس واقل يا روح وش قصده
وكيف قدر على بعدي وكيف عهدي يبيقه


يا الله رجيتك مالي على جرح الهوى شده
قلبي حزين يونّ ونات القهر في غبة معاليقه


وخاطري مكسور تنهش بعروقي نار متوقّده
أتقلب على جمر همي ويكويني حريقه


بسّك خلاص روّح لا تسال القلب سبب صده
وهذه قصتي وياك خطيتها بحبر الوثيقه
___منقول___

ابدااع وتميّز واختيااار جميل
دايماً تتحفنا بهذه الروائع المفيده
ابدعت بحسن الانتقاء والذوق الجميل
دمت ودااااام عطاااااااؤؤك بهذا المستوى المشرق.
كل الشكر