الصمت يكفي ويشفي صدر راعيه

الصمت يكفي ويشفي صدر راعيه
..........لا صار كل الحكي مالـه معانـي

و القلب ما عاد تعنيه المشاريـه
..........و العين ماعاد تغريهـا الامانـي

و الخاطر العمس من يقدر يسليه
..........الناس والا الشعـر والا الاغانـي ..؟

يا كاتب الحزن في قلبي وقاريـه
..........في نظرتي في انفعالي في حناني

ياليت حزني مجرد دمـع وابكيـه
..........ماهوب عايش معي بين المحانـي

ماهوب يظهر علي واحاول اخفيه
..........و تصير نظرات حزني هي لساني

لو للسحايب سجن يا عبرة التيـه
..........و الله ما احبسك بخفاقـي ثوانـي

مدري ذكرني زمان كنت ناسيـه
..........مدري ذكرت الزمان اللي نسانـي

كنت اكره البحر واخاف الغرق فيه
..........و اليوم احبه واخاف من المواني

كنت اعشق الجاي باحلامه وامانيه
..........يا ما بنيت بخيالـي لـه مبانـي

ياما رجيت العطا من مـدة يديـه
..........حتى خذا كل شي ومـا عطانـي

مماراق

شكرا لك على المشاركة القيمة

» يا ( قلب) يكفي ما جرالك ويكفيك
» لآ صآر كل الكون بعيد عني يكفي وجودك دآخل القلب أوطآن - BlackBerry
» حكم عن الصمت
» الصمت ؟؟؟؟؟؟؟؟؟
» لمن الصمت؟