لزوم مالا يلزم

اعزائي مين سمع بحملة لابتوب لكل مواطن..........
او مين سمع بهاي الجملة..... رني عاخوكي عمحموله ما يتاخر (طبعا اخوها عمره 13 سنة).........
او شيء اخر ادخلو احضرو عتلفزيونكم بغرفتكم انا هون بدي احضر بالصالون.
او شيء اخر رنو عابوكم عمحموله الثاني لانه الاول نسيه بالبيت....
او شفتي شو نزلت خدمة عجوالي بطل يرن عادي صارت نغمة..
لا انا نزلت خدمة اشعار بالمكالمات او الاخبار العاجلة.......
بتعرفو اني بقدر ادخل عمكتبي ورصيدي من محمولي.............

او.او...او......... الامثلة ما بتنتهي...كل ماذكر اعلاه ممكن يستوقفني حد ويقلي وين الغلط حلوة التكنولوجيا والتقدم وما في شء باللي ذكر خطاء...بيجي دوري بالجواب........اعزائي لزوم مالا يلزم هاد هو جوابي
بالامكان الاستغناء عن اشياء طرحت بمجال التكنولوجيا والعصر الحديث والتحضر ومواكبة العصر دون ملاحظة غيابه حتى.........كيف؟!!!!اذا عرفنا انه مش من الضروري اتابع كل شيء على القنوات من مسلسل لفيلم لبرامج ترفيهية لبرامج واقعية لسياسة واخبار وبكفي اعرف ميولي واتابع الاشياء المحببة اللي والمفيدة......
وابداء باختصار النقاشات بهذه المواضيع وادخل مفهوم احترام الكلمة واحترام العقل.
مثلا ما يكون اهم شيء بستناه في اليوم الثاني اني اناقش اصحابي بالمسلسل والبرنامج والتحليل السياسي واكون داخل سباق ويا وياويله اذا حد تفوق علي بهيك معلومات.هاد الشيء حيخليني تلقائي اخفف متابعة وسهر والبدء بالتفكير بامور اهم بالحياة.ولما احدد مواعيدي وحياتي وجامعتي واصحابي ومدرستي واتفاهم مع اهلي واعرف واجباتي وحقوقي ببداء افكر صح وبتخف متطلباتي وبتصير اهدافي اهم من اني يكونلي محمولي اخر موديل الخاص او كمبيوتري المحمول والنت 24 ساعة بهدف ومن غير هدف.اذا شورايكم نجرب معيار جديد لمستلزماتنا وهو (لزوم مالا يلزم)
ببداء بتجارب عكل شيء بحياتي من اول ما اصحى لحد ما ارجع انام وبكل النواحي اكل وشرب ولبس واستخدام وكلام وتصرفات...؟!
صدقوني راح تذهلكم النتائج وعشان تتشجعو اكثر ابداو بطرح الفكرة على الاصدقاء والمقربين اعتبروها لعبة...