قصة هالقصيده انني تعبت من ألم قدمي وانه طولت رجلي مامشيت عليها بسبب توقف العصب
وقالت لي الوالده فيه دكتور بالمدينة المنورة شاطر بهالسوالف ورحت عشان
الوالده وانا طبعا اعرف وش كان بيقول لاني فني عمليات واعرف قصة التوقف
انها من كدمه من سبب الحادث
ولما رحت لهذا الدكتور قال انه مافيه امل انك تمشي مثل اول وبعد ايام وبعد
صدمة الكلام لان الوالده تاثرت كثيرا وجلست تبكي وحتى منامها صعب وكنت
اتالم ولما تجي عندي الوالده اسوي نفسي طيب كل هذا عشانها ربي يسعدها
ويخليها لي ويخلي لكم اهلكم
القصيده:
سؤالن عذبني العصب وش حصل فيه----لاحول ورجلي اليسرى طال علينا جفاها
اكتم عبراتي والحزن دايم اني اخفيه----والاقدار تجري ولاندري وش اللي وراها
ابتسم واضحك وتفاولي بالخير دايم ابديه----مثل الظلام اليا بانت الشمس اشرق ضحاها
قالها ابن فطيس في شعرن من مباديه----في بيوتن جزال تطرب وتسعد من قراها
لعل وعسى ماحدني للمجيئ يدعيه----وانا مثله علقت امري بربن ابدع في سماها
تنوح رجلي على عصب ضاعت به رجاويه----واروي عطش رجلي لو طال فيها ضماها
رفعت كفي لعالم الغيب وكل شيء محصيه---يسمع دبيب نملتن سودا على اسود صفاها
يالله يارب من غيرك الجا له واطلبه وادعيه----تفرج لرجلن طال فيني همها مع غثاها
ابي امي ماتضيق والهم من صدرها تنهيه---بنومها ترتاح وعينها تكف من تنزيل ماها
اتمنى تعجبكم ياحلوين اخوكم ----راكان----
_________________________________
<br>
اليوم في 00:22
